Праграма фестывалю амерыканскага дакументальнага кіно «Незнаёмая Амерыка»
Першы пацалунак, першы танец. Гэтыя чароўныя і рамантычныя абрады прысвячаюць амерыканскую моладзь у дарослае жыццё. Для дзяцей з усіх слаёў грамадства гэтыя першыя крокі на шляху да блізкасці з’яўляюцца адначасова захапляльнымі і палохаючымі. Для некаторых падлеткаў і маладых людзей з аутызмам гэты пераход можа быць шакуючым. У Каламбусе, штат Агая, група маладых людей з асаблівасцямі развіцця рыхтуецца да знакавай падзеі – вясновага бала. На працягу дванаццаці тыдняў яны працуюць над сваімі сацыяльнымі навыкамі, рыхтуючыся да ўдзелу ў мясцовай дыскатэцы. Разам з псіхолагам яны крок за крокам выкрываюць свае страхі і сацыяльную трывожнасць, абіраючы пару, сукенкі, і, у рэшце рэшт, караля і каралеву выпускнога. Фільм «Як танцаваць у Агая» – гісторыя аб універсальных чалавечых патрэбах у росце, узаемадзеянні і сацыяльнай прыналежнасці.
Узнагароды: Узнагарода прэміі Пібадзі (2015)
Краіна: ЗША, 2015
Рэжысёр: Аляксандра Шыва
Працягласць: 89 хвілін
