Меню

Новости

Лабірынт

выстава Фёдара Шурмялёва

Где:

Когда: 19:00

Стоимость билетов: бясплатна

Кніжна-выставачная прастора «Кнiжная Шафа» прадстаўляе выставу графічных работ Фёдара Шурмялёва. Экспазіцыю «Лабірынт» можна ўбачыць з 9 кастрычніка да 7 лістапада 2018 года.

Выстава прадстаўлена серыяй прац «Старажытнагрэчаскія міфы аб знаках задыяка». Усе людзі нараджаюцца пад адным са знакаў задыяка, але мала хто задумваецца, якая гісторыя стаіць за кожным з іх. Аўтар звярнуўся да міфаў старажытнай Грэцыі як да адных з першакрыніц для раскрыцця гэтай тэмы, яму было важна паглядзець па-іншаму на такія звыклыя вобразы, з якімі нам даводзіцца сутыкацца ў паўсядзённым жыцці. Пераасэнсаванне адлюстравана ў працах, выкананых у графічнай тэхніцы афорта.

Фёдар Шурмялёў — выпускнік мастацкага факультэта Беларускай дзяржаўнай акадэміі мастацтваў па спецыяльнасці «Графіка» (2017г.), член Савета Акадэміі, член Беларускага саюза мастакоў. З 2003г. удзельнічае ў выставах, конкурсах, мастацкіх праектах, пленэрах у Беларусі і за мяжой (Германія, Літва, Польшча, Італія, Аўстрыя). Уладальнік шэрагу дыпломаў, прэмій (у тым ліку, міжнародных), стыпендыят розных фондаў.

Адкрыццё выставы «Лабірынт» 9 кастрычніка а 19-й. Уваход вольны!

На адкрыцці таксама адбудзецца прэзентацыя кнігі Фёдара Шурмялёва «Тэсей і Мінатаўр», у якой аўтар паспрабаваў пераасэнсаваць саму легенду і праверыць сябе ў працы над макетам і магчымасці сцерці мяжу паміж станковай работай і выданнем, паміж гледачом і чытачом.

Адрас: пр-т. Дзяржынскага, 9, «Кніжная Шафа» (уваход са двара ля 5-га пад’езда).
Тэлефон: +375 (29) 637-09-53(Настасся Дудкова), +375 (17) 234-48-64, +375 (29) 645-20-55.
Час працы выставы: пн.–пт.: 12.00 – 18.00, cуб.: 12.00 – 18.00, нядз. – выхадны.

Сябры, калі вы едзеце да нас на аўто, тэлефануйце – мы з радасцю падымем для вас шлагбаум і павітаем у Шафе.

Top